Поставен камен-темелник за изградба на нов мост меѓу Ѓорче Петров и Сарај

Скопје – На метар и половина од постоечкиот Железен мост, кој ги поврзува населбите Ѓорче Петров и Сарај, денеска беше поставен камен-темелник за изградба на нов поврзувачки објект.

Новиот мост ќе биде армирано-бетонски со вкупна должина од 50 метри во три распони. На него ќе биде изграден коловоз со две сообраќајни ленти со ширина од по три метри и половина и велосипедска патека во ширина од 2,5 метри, како и пешачки патеки.

На мостот, кој е инвестиција вредна 96,8 милиони денари, ќе работат екипите на

градежната компанија „Гранит“. Средствата за неговата изградба се обезбедени од

Град Скопје, општина Сарај и Владата на Република Македонија.

Рокот на изградба на новиот мост чија заштитна ограда ќе се состои од челични

столбчиња, а ќе биде осветлен со канделабри е една година. (МИА)